*आईने मोजलेच नाही...
आयुष्याच्या तव्यावरती
संसाराची पोळी
भाजता भाजता
हाताला किती बसले चटके
*आईने मोजलेच नाही...
नवर्यासह लेकराबाळांचे
करता करता
मोठ्यांचा मान राखता राखता
कितीदा वाकले गेले,
*आईने मोजलेच नाही...
बाळाला किती झोके
दिले,
बाळा साठी किती रात्री
जागले
*आईने मोजलेच नाही...
जरा चुकले की
घरच्यांची,बाहेरच्यांची
किती बोलणी खाल्ली,
काळजाला किती घरं पडली,
*आईने मोजलेच नाही...
याच्यासाठी त्याच्यासाठी
आणखीही कुणासाठी
जगता जगता ,
स्वतःसाठी अशी
किती जगले,
*आईने मोजलेच नाही...
पाखरे गेली फारच दूर
डोळा आहे श्रावणपूर
पैशाचा हा नुसता धूर
निसटून गेले कोणते सूर,
*आईने मोजलेच नाही...
*सर्व आईंना समर्पित...*
कोई टिप्पणी नहीं:
एक टिप्पणी भेजें